இயக்குநர் கடிதம்...

FROM THE MISSION DIRECTOR'S DESK

கிறிஸ்துவுக்குள் அன்பானவர்களே!

இந்த ஆண்டின் 9ம் மாதத்தைக் காணச்செய்த கர்த்தரைத் துதிப்போம். கடந்த 8மாதங்களில் எல்லா நிலைகளிலும் நம்மோடிருந்து, நம்முடைய எல்லா காரியங்களிலும் நம்மை வழிநடத்தி காத்துக்கொண்ட நம் தேவாதி தேவனுக்கு நன்றிபலி செலுத்துவோம்.

உயர்கல்வி பட்டப்படிப்புகளில் தேர்ச்சிபெற்றுள்ள நமது பிள்ளைகளுக்கு சிறப்பான வேலைவாய்ப்புகள் கிடைக்க ஜெபத்துடன் வாழ்த்துகிறோம். இம்மாதம் 5ம் தேதி ஆசிரியர் தினத்தை கொண்டாடுகிறோம். ஆசிரியர்களுக்கு மதிப்பு அளிக்கவும், ஆசிரியர்களின் சேவையை பாராட்டி மகிழவும் அனைவரையும் அன்புடன் அழைக்கிறோம்.

நமது ஊழிய திட்டங்களான ‘ஜெப-ஜன்னல்’ ஜெப நேரங்கள் (செப். 12, 19, 26), ‘அனைவரும்-ஊழியத்தில்’ - கைபிரதி ஊழிய திட்டம், ‘வேதாகம போட்டிகள்’ ஆகியவற்றில் பங்குபெற உங்களை அன்புடன் அழைக்கி றோம். வலைதள ஊழியங்கள் (www.ratchippu.com), பத்திரிக்கை ஊழியங்கள், காணொலி-செய்தி ஊழியங்கள், புத்தக-வெளியீட்டு ஊழியங்கள், கைப்பிரதி ஊழியங்கள், மிஷனரி ஊழியங்கள், திருச்சபை ஊழியங்கள் ஆகிய நமது ஊழிய இயக்குநரின் அனைத்து ஊழியங்களுக்காகவும் ஜெபித்துக் கொள்ளுங்கள். .

ஜெப-விண்ணப்பங்கள், அனுபவ சாட்சிகள் மற்றும் காணிக்கைகள் அனுப்புவோர் நமது ஊழிய இயக்குநரின் பெயருக்கு அனுப்பிவையுங்கள். தகவல் தொடர்பு விபரம், வங்கி விபரம், UPI விபரம் மற்றும் QR CODE ஆகியவை Contact-us பகுதியில் தரப்பட்டுள்ளன. தேவகிருபை உங்களோடு இருப்பதாக. ஆமென்.

---

கிறிஸ்துவின் பணியில்
அருட்திரு. எஸ்.ஜே.டி. தர்மராஜா